काठमाडौं । पोर्चुगल तथा अल नस्रका स्टार फुटबल खेलाडी क्रिस्टियानो रोनाल्डोले लामो समयकी प्रेमिका जर्जिना रोड्रिगेजसँग इन्गेजमेन्ट गरेका छन्।

जर्जिनाले इन्स्टाग्राममा इन्गेजमेन्ट औंठीको फोटो सार्वजनिक गर्दै रोनाल्डोसँगको हातको तस्वीर पोस्ट गरिन्। क्याप्सनमा उनले लेखेकी छिन्, “हो, म तिमीलाई माया गर्छु—यो जीवनमा र आउने हरेक जीवनमा।”

रोनाल्डो र जर्जिना करिब नौ वर्षदेखि सम्बन्धमा रहेका छन्। उनीहरूका चार सन्तानमध्ये अभा मारिया र माटेओ सन् २०१७ मा सरोगेसीमार्फत जन्मिएका थिए।