काठमाडौँ —
पुर्व प्रधानमन्त्री तथा नेकपा एमालेका अध्यक्ष केपी ओलीले पाँचदलीय गठबन्धनलाई पशुपतिमा भएका बाँदरसँग दाँजेर मतपेटिका लुट्न सक्ने आरोप समेत लगाएका छन् ।
पशुपतिमा फूलपाती लिएर गयौँ भने जसरी फूलपातीको टोकरी बाँदरले खोसेर लान खोजछन्,’ उनले भने, ‘त्यहाँ त एउटा बाँदरले मात्र आउँछ भने यहाँ त पाँचवटा बाँदर छन् । हामी सतर्क हुन जरुरी छ । धाँधलीबाट परिणामलाई तलमाथि हुन दिनु हुँदैन ।’ गठबन्धनले धाँधली गर्न सक्ने भन्दै त्यस तर्फ सचेत रहन उनले कार्यकर्तालाई सुझाब दिएका छन् ।
‘पाँचदलीय गबठन्धन भोटले जित्ने होइन । भोटले हारेपछि मतपत्र च्यात्ने, चपाउने, निल्ने गर्छन् । के के गर्न सकिन्छ नचाहिँदो त्यही गर्छन्,’ ओलीले भनेका छन् ‘गठबन्धनमा आफ्ना मात्रै मान्छेलाई प्रवेश गर्न दिने नीति रहेको छ । एमालेले पार्टी मात्रै होइन की लोकतन्त्र सम्मेत जित्ने कुरा छ । हामी जनताले दिएको मतबाट जित्ने पक्षमा छौँ । कसैले शान्ति सुब्यवस्थामा खलल पार्न खोज्छ भने, धाँधली गर्न खोज्छ भने हामीले रोक्नुपर्छ । बाकस एकछिन पनि आँखाबाट ओझेलिन दिनु हुँदैन ।’
