पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा बाबुराम भट्टराईले ढिलै भएपनि बुढीगण्डकी परियोजना नेपाल आफैले बनाउने निणर्य गरेकोमा खुसी ब्यक्त गरेका छन् ।
गोरखाका सांसद समेत रहेका उनले बूढीगण्डकी बहुउद्देश्यीय परियोजनालाई बृहद बुढीगण्डकी विकास प्राधिकरणमार्फत बनाउन प्रस्ताव गरेका छन् । बिहीबारको मन्त्रिपरिषद् बैठकले चिनियाँ कम्पनीबाट ठेक्का खोसेर सरकार आफैँले बनाउने निणर्य गरेको थियो । सोही बिषयलाइ लिएर भट्टराईले यस्तो बताएका हुन् । अब कुन मोडालिटीमा बनाउने भन्नेबारे स्पष्ट गरिनुपर्नेमा जोड दिएका छन् ।
भट्टराईले बूढीगण्डकी आयोजना बन्नेसमयमा निणर्य गरेर अघि नबढिए आयोजना निर्माणको कुरा गफमै सीमित हुनसक्नेतर्फ सचेत गराएका छन् । ‘ढिलै भए पनि बुढीगण्डकी परियोजना नेपाल आफैले बनाउने निणर्य हुनु सुखद् छ । तर हामीले शुरूदेखि भन्दै आएको कुरा बुझ्न किन ढिलो भएको हो बुझिनसक्नु छ’, उनले ट्वीट गर्दै भनेका छन्, ‘अनि कुन मोडालिटीमा बनाउने भन्ने बारे मौनता कहिले तोडिने हो ? यो बहुद्देश्यीय परियोजनालाई बृहत बुढीगण्डकी विकास प्राधिकरण मार्फत बनाऔँ, नत्र गफै रहला’
