चाडपर्वलाई लक्षित गर्दै चौकुने गाउँपालिकामा उद्योग तथा वाणिज्य शाखाको अनुगमन शुरु

दशैलाई लक्षित गर्दै चौकुने गाउँपालिकामा उद्योग तथा बाणिज्य शाखाले बजार अनुगमनलाई तिब्रता दिएको छ । दशै नजिकिदै गर्दा मासुजन्य पसल, खाध्य स्टोर्स लगायतका पसलहरुमा विक्रि वितरण बढ्ने हुदा गुटुको विशाल बजार क्षेत्रका पसलहरुको अनुगमन गरिएको छ । बजार क्षेत्रमा कतिपय पसलहरु अब्यवस्थित र नवीकरण नै नगरि संचालन हुदै आएको गुनासो आएकाले चौकुने गाउँ पालिकाका उपाध्यक्ष नर बहादुर बान्तोलाको संयोजकमा अनुगमन गरिएको हो ।

चाडपर्वको समयमा व्यापारीहरूले जथाभावी मूल्य लिने, म्याद गुज्रिएका अखाद्य वस्तुलाई बेच्ने लगायतका समस्या देखिने गरेकाले दशै आउन करिब केहि दिन पहिले नै अनुगमनलाई सक्रिय रुपमा अगाडि बढाएको हो । बजार अनुगमन व्यवसायीहरूलाई आतंक फैलाउने र तत्काल जरिवाना गरेर तर्साउने उद्देश्यले शुरु नभएको पनि उपाध्यक्ष बान्तोलाले स्पष्ट पार्नु भएको छ । बढी मूल्य लिने, मूल्य सूची नराख्ने, गुणस्तरीय वस्तु विक्री वितरण नगरी उपोभोक्ता ठग्ने व्यापारीलाई मात्र अनुगमनको क्रममा कारवाहीको दायरामा ल्याउने बताउनु भएको छ ।उपाध्यक्षको नेतृत्वको टोलीले विशाल बजार क्षेत्रको प्रतिक्षालय देखि सबै चोक सम्मका ,खाद्यान्न पसल, किराना पसल, गोदाम, माछा मासुपसल , तरकारी, फलफूल, मिठाई पसल, होटेल, भेटेरिनरी, मेडिकल हल लगायतमा अनुगमन गरेको थियो ।

अनुगमनका क्रममा कतिपय पसल दर्ता नै नगरी संचालन भएको र कतिपय पसलमा सरसफाईको कमी रहेको पाइएकाले तत्काल सरसफार्ई गरी बिक्रि बितरण गर्न र नवीकरण नभएका पसलहरुलाई तत्काल नवीकरण गर्न समेत निर्देशन दिइएको उद्योग तथा बाणिज्य शाखा प्रमुख बर्षा घर्तीले बताउनु भएको छ अनुगमनमा ,ईलाका प्रहरी कार्यालय गुटु ,स्वास्थ्यकर्मी वडा न ८ का वडा अध्यक्ष कमल जि सी, बजार ब्यबस्थापन समितिका अध्यक्ष मान बहादुर श्रेष्ठ ,पत्रकार लगायतका बिभिन्न सरोकारवाला संस्थाका प्रतिनिधिहरुको सहभागिता रहेको थियो ।