• असार २५, २०८१
  • No Comment
  • 387

विराटनगरमा ‘ग्याङ फाइट’ : एक जनाकाे मृत्यु, चार पक्राउ

विराटनगरमा सोमबार राति दुई ग्याङबीचको हिंसात्मक भिडन्तले २१ वर्षीय एक युवकको ज्यान लिएको छ। युवकको हत्या आरोपमा प्रहरीले चार जनालाई पक्राउ गरेको छ।

विराटनगर महानगरपालिका–२, नेपाल टेलिकम नजिकै भएकाे दुई समूहबीचको झडपमा कटहरी गाउँपालिका–१, जमटोकीका करण कामतको हत्या भएको हो।

मोरङ प्रहरीका प्रवक्ता डिएसपी ज्ञानेन्द्रबहादुर बस्नेतका अनुसार सोमबार राति १० बजेतिर अघिल्लो दिनको सामान्य विवादले ग्याङ फाइटको रूप लिएकाे थियाे। जसमा कामतको ज्यान गएको हो।

भिडन्तमा कामतकाे छाती र कम्मरमा कैंचीले गहिरो चोट लागेका थियाे। लग्तै उनलाई उपचारका लागि विराटनगरको कोशी अस्पताल पुर्‍याइएकाे थियाे। डिएसपी बस्नेतले भने, ‘कोशी अस्पतालमा उपचारका लागि लगिए पनि थप उपचारका लागि नोबेल लगिएको थियो।’ र पनि उपचारकै क्रममा उनकाे मृत्यु भएकाे डिएसपी बस्नेतले जानकारी दिए।

घटनामा गम्भीर घाइते भएका कामतका साथी विक्रम मण्डल र अमन राय पनि अस्पतालमा उपचाररत छन्। रायको अवस्था गम्भीर रहेको छ भने मण्डलको अवस्था मध्यम छ।

घटनामा संलग्न भएको आरोपमा विराटनगर–११ घर भई विराटनगर–२ स्थित विराट नर्सिङ होमअगाडि डेरा गरेर बस्दै आएका सोनु गिरी, ताप्लेजुङको दोखु घर भई नर्सिङ होमअगाडि डेरा बस्दै आएका सन्तोष भनिने निमदावा शेर्पा, भोजपुरको भुल्के घर भई नर्सिङ होमअगाडि डेरा बस्दै आएका सञ्जय पुरी र मोरङको रंगेली घर भई विराटनगर–२ स्थित शनीहाटमा डेरा बस्दै आएका १६ वर्षीय बालकलाई पक्राउ गरिएको छ।

घटनामा प्रयोग गरिएको कैंची विराट नर्सिङ होमअगाडिको गोलबजार फार्मेसीबाट बरामद भएको प्रहरीले जनाएकाे छ। शेर्पा र पुरी नर्सिङ होमअगाडिको फार्मेसीमा काम गर्थे। घटनामा संलग्नलाई उनीहरु बस्दै आएको स्थानबाट मंगलबार बिहान पक्राउ गरिएको हो।

प्रहरीका अनुसार, विवादपछि रिसइबी साँधेर बसेको मृतक र घाइते पक्षका १२-१३ जनाको समूहले बाटो ढुकेर पीडक पक्षका युवाहरुलाई सुरुमा आक्रमण गरेको पाइएकाे छ। पीडक पक्षका युवाहरुले पनि काम सकेर घुम्न निस्किएका बेला आफूहरुमाथि बाटो ढुकेर बसेको समूहले सुरुमा आक्रमण गरेको प्रहरीलाई बताएका छन्।

‘ग्याङ फाइट’ का क्रममा दोहोरो हानाहान हुँदा शेर्पाले साथमा बोकेको कैंची निकालेर अर्को पक्षका युवाहरुलाई जथाभावी प्रहार गरेको प्रहरीले जनाएको छ।

घटनास्थलमा फेला परेको मोबाइलको आधारमा घटनामा संलग्नलाई पक्राउ गर्न सफल भएको डिएसपी बस्नेतले बताए। उनले भने, ‘घटनाका सम्बन्धमा थप अनुसन्धान सुरु गरिएको छ र घटनामा संलग्नविरुद्ध कर्तव्य ज्यान मुद्दा चलाउने तयारी भइरहेको छ।’

सम्बन्धित खबर

शिक्षामन्त्री पन्तको आज शपथग्रहण

शिक्षामन्त्री पन्तको आज शपथग्रहण

काठमाडौं । नवनियुक्त शिक्षामन्त्री रघुजी पन्तले आज पद तथा गोपनीयताको शपथ ग्रहण गर्दैछन् । उनलाई आज अपराह्न चार बजे राष्ट्रपति रामचन्द्र…
फ्याटी लिभर हटाउन यी ६ चमत्कारी खानेकुरा

फ्याटी लिभर हटाउन यी ६ चमत्कारी खानेकुरा

काठमाडौँ ।पछिल्ला वर्षहरूमा नेपालीहरूमा फ्याटी लिभरको समस्या तीव्र रूपमा बढ्दो छ। अस्वस्थ खानपान, व्यायामको अभाव, र तनावपूर्ण जीवनशैलीका कारण कलेजो वरिपरि…
तपाईलाई थाहा छ ? के हो स्लिप डिभोर्स ?

तपाईलाई थाहा छ ? के हो स्लिप डिभोर्स ?

पछिल्लो समय पश्चिमी देशहरूमा ‘स्लिप डिभोर्स’को प्रवृत्ति तीव्र गतिमा बढिरहेको छ । स्लिप डिभोर्समा जोडीहरू एउटै ओछ्यानमा नसुतेर अलग कोठा वा…

Leave a Reply

Your email address will not be published. Required fields are marked *