निजामती विधेयकबारे छलफल जारी, आजै पास गर्ने तयारी

प्रतिनिधि सभाको राज्य व्यवस्था तथा सुशासन समितिले निजामती सेवा विधेयक आजै पारित गर्ने तयारी गरिरहेको छ ।

अवकाश उमेर ६० वर्ष बनाउने विषयमा सहमति भए पनि, एकै पटक ६० वर्ष लागू गर्ने वा नगर्ने विषयमा छलफल भइरहेको छ ।
अवकाशपछि कर्मचारीले अर्को नियुक्तिका लागि निश्चित समय (कुलिङ पिरियड) पर्खनुपर्ने र यसको अवधि कति हुने भन्ने विषयमा पनि छलफल जारी छ ।
२ जेठ, काठमाडौं । निजामती सेवा विधेयकबारे संसदीय समितिमा छलफल जारी छ ।

प्रतिनिधि सभा अन्तर्गतको राज्य व्यवस्था तथा सुशासन समितिले यो विधेयक आजै पास गर्ने तयारी गरेको छ । कर्मचारीले पाउने अवकाश उमेर कसरी लागू गर्ने भन्ने विषयमा छलफल चलिरहेको छ । अवकाश उमेर ६० वर्ष बनाउनेमा सहमति छ । तर, एकै पटक ६० वर्ष लागू वा नगर्ने भन्नेमा छलफल चलिरहेको छ ।