विहान उठ्ने वित्तिकै यी कामहरु गर्दा स्वास्थ्यमा हुनेछ फाइदा

काठमाडौं । नियमित दिनचर्याले हाम्रो स्वास्थ्यमा ठूलो प्रभाव पार्छ । स्वास्थ्यलाई दीर्घकालसम्म सुदृढ राख्न दैनिक जीवनका स–साना बानीहरूमा ध्यान दिनु जरुरी हुन्छ । भनिन्छ, ‘बिहानीले पूरै दिनको संकेत गर्छ।’ अर्थात्, बिहान राम्रो तरिकाले सुरु भयो भने दिनभर ऊर्जा र सकारात्मकता रहन्छ ।

स्वास्थ्य विशेषज्ञहरूका अनुसार, बिहान उठ्ने वित्तिकै तल उल्लेखित बानी अपनाएमा शरीर र मन दुवै स्वस्थ रहन्छन् —

१. दाँत सफा गर्नुहोस्

बिहान उठ्ने वित्तिकै दाँत माझ्ने बानी अपनाउनुहोस् । यसले मुखको ब्याक्टेरिया हटाउँछ र ताजा सास ल्याउँछ । चाहनु भएमा ५० मिलिलिटर पानीमा ५–६ थोपा हाइड्रोजन पेरोक्साइड मिसाएर कुल्ला गर्न सकिन्छ, जसले मौखिक स्वास्थ्यलाई अझ सुदृढ बनाउँछ ।

२. जिब्रो सफा गर्नुस्

दाँतसँगै जिब्रो सफा गर्नु पनि उत्तिकै आवश्यक छ । जिब्रोमा जम्मा हुने ब्याक्टेरियाले दुर्गन्ध र पाचनसम्बन्धी समस्या ल्याउन सक्छ । त्यसका लागि टंग क्लिनर प्रयोग गर्न विशेषज्ञको सिफारिस छ ।

३. कानको मसाज गर्नुहोस्

कान र त्यस वरिपरिको भागमा हल्का मसाज गर्दा रगतको प्रवाह राम्रो हुन्छ । यसले शरीरमा ताजगी ल्याउँछ र सुस्तता घटाउँछ ।

४. एक चम्चा मह खानुहोस्

मह प्राकृतिक औषधि हो । बिहान खाली पेट एक चम्चा मह सेवन गर्दा खोकी, ज्वरोजस्ता सामान्य रोगसँग लड्न सहयोग गर्छ । साथै, स्मरण शक्ति र पाचनशक्ति दुवै बढाउँछ ।

५. तातो पानी र कागती मिसाएर पिउनुस्

तातो पानीमा कागती मिसाएर पिउँदा शरीरमा जम्मा भएका टक्सिन हट्छन् र पाचन प्रणाली सन्तुलित रहन्छ । यो बानीले छाला र शरीर दुवैलाई ताजगी प्रदान गर्छ ।

स्वास्थ्य विशेषज्ञहरू भन्छन् — “दिनको शुरुवात सही बानीसँग भयो भने केवल शरीर होइन, भाग्य पनि उज्यालो हुन्छ।” त्यसैले, बिहान उठ्ने वित्तिकै यी स–साना बानीहरू अपनाएर स्वस्थ र ऊर्जावान जीवनशैली सुरु गरौं ।