श्री नवलक्ष्मी साना किसान कृषि सहकारीको २३ औं साधारण सभाबाट समिति चयन, अध्यक्षमा ईन्द्र प्रसाद ढकाल

दिलिप कडेल, सुर्खेत। चौकुने गाउँपालिका – ८ गुठुस्थित श्री नवलक्ष्मी साना किसान कृषि सहकारी संस्थाको २३ औं बार्षिक चुनावी साधारण सभाले सहकारीका जेष्ठ नागरिक देब बहादुर थापाको अध्यक्षतामा नयाँ सञ्चालक समिति चयन गरेको छ ।

सम्पन्न साधारण सभाले ईन्द्र प्रसाद ढकालको अध्यक्षतामा आगामी कार्यकालका लागि नयाँ समिति निर्विरोध चयन गरेको हो । सञ्चालक समितिको उपाध्यक्षमा भविसरा भाट सचिवमा विष्णुप्रसाद सापकोटा र कोषाध्यक्षमा लक्षीराम बुढालाई चुनेको छ । त्यस्तै सञ्चालक सदस्यहरुमा डम्बर बि क , कमल न्यौपाने , मिना गौतम , निर्मला आले र हरिकला कामी चुनिएका छन् । लेखा समिति संयोजकमा डिल्लीसरा सलामी मगर तथा सदस्यहरुमा पुर्ण बहादुर दर्लामी र खगिसरा थापा चयन भएका छन् ।

अध्यक्ष थापाको सभापतित्व र चौकुने गाउँपालिकाका अध्यक्ष खडक बिवस बासपानेको प्रमुख आतिथ्यमा सम्पन्न साधारण सभामा वडा न ८ का वडा अध्यक्ष कमल जि सी र ७ न वडाका वडा अध्यक्ष धनिराम धमलाको आतिथ्य रहेको थियो । निर्विरोध निर्वाचित सञ्चालक समिति र लेखा समितिको नामावली घोषणा गरी निर्वाचित सदस्यहरुलाई प्रमाण पत्र समेत हस्तान्तरण गरेको जनाइएको छ ।