भुकम्पले थला परेको जाजरकोटमा पहिरोको बितन्डा, अस्थायी आवासमा क्षेती

बुधबार रातीको अबिरल बर्षाले छेडागाड नगरपालिका वडा नं.६ को एक बस्ती नै जोखिममा पारिदिएको छ । वडा नं.६ मा रहेको सुवानाउली गाँउको देउल बस्ती नै जोखिममा परेको छ । ज्यासैन भन्ने स्थानबाट पहिरो सहितको लेदो बस्तीको छेवैमा रहेको खोलामा आएपछी कणर् बहादुर चँदराको घर जोखिममा पारिदिएको छ । भुकम्प प्रभावित बस्तीमा आएको पहिरोले भुकम्प पिडितका लागि सरकारले बनाईदिएको अस्थाई आवास नै पुरी दिएको छ । आवासमा रहेका अन्नपात, भाँडाकुँडा, लत्ताकपडा लगाएतका सबै सामान पुरिदिएको छ । बाढीले क्षेत्ती पुर्याएको देउलबस्तीमा १३ घरधुरी छन र त्यहाँ भएको बाल बिकास केन्द्र पनी पहिरोले पुणर् रुपमा क्षेत्तीग्रस्त बनाईदिएको छ ।

छेडागाड नगरपालिका वडा नं.६ का वडा अध्यक्ष भक्त बहादुर थापाका अनुसार पहिरो आउने चाल पाएपछी स्थानियहरु भागेर ज्यान बचाएपनी घर भित्रका सामानहरु सबै पुरिएका थिए । उनले भने एक त भुकम्पले नागरिकलाई अप्ठेरोमा पारेको थियो त्यसैमाथी पहिरोको बज्रपात आइपर्यो । हामी स्थानिय सरकारको प्रतिनिधी भएका कारण जनताले अप्ठेरो परेका बेला हामीलाई सम्झीए पनी तत्काल केही दिन सकिने अवस्था छैन । यो बिपत्तीमा सरकार जिम्मेवार हुनुपर्छ र अप्ठेरोमा परेका नागरिकलाई तत्काल राहत पुग्नेगरी कदम चाल्नु पर्छ ।

अध्यक्ष थापाले भने पहिलो चरणमा अप्ठेरोमा परेका नागरिकलाई शित र पानीबाट जोगाउन र सुरक्षित स्थानमा राख्नका लागि प्रत्येक घरधुरी र बालबिकास केन्द्रलाई पुग्ने गरी त्रिपाल र खाद्यन्न आवश्यक छ । यो अप्ठेरोमा गम्भिर बनेर तत्काल सहयोग उपलब्ध गराईदिन सम्बन्धीत निकायलाई आग्रह गर्दछु । पहिरोका कारण छेडागाड नगरपालिका र जुनिचाँदे गाँउपालिका जोडने मुख्य बाटो समेत अबारोध भएको र सो अबरोध हटाउन तत्काल छेडागाड नगरपालिकाले डोजर पठाएर खुलाउने काम सुरु भैसकेको नगरप्रमुख रत्न बहादुर खड्काले जानकारी दिए ।