जाजरकोट पहिरो अपडेटः घाईते बालिकाको उद्धार, बेपत्ता दुई जनाको शव निकालियो

जाजरकोटको बारेकोट गा.पा. वडा नं.६ मा गएराती गएकाे  पहिरोले घर भत्काउँदा पुरीएका दम्पतिको शव फेला परेको छ । पहिरोमा परी गम्भीर घाइते भएकी बालिकालाई उपचाको लागि सेनाको हेलिकप्टर मार्फत सुर्खेत ल्याईएको छ । गएराति पहिरो जाँदा पुरीएका बारेकोट गाउँपालिका ६ का वडा सदस्य प्रेमकुमारी चलाउने र उनका ४० बर्षीय श्रीमान मानबहादुर चलाउनेको शव निकालिएको जाजरकोट प्रहरीले जानकारी दिएको छ ।

पहिरोमा पुरिएर घाइते भएकी ११ वर्षीय सम्झना चलाउनेलाई उद्धार गरेर आइतबार नेपाली सेनाको हेलिकोप्टर मार्फत थप उपचारको लागि सुर्खेत स्थित कर्णाली प्रदेश अस्पताल कालागाउँमा ल्याइएको नेपाली सेनाले जनाएको छ ।