चौकुने गाँउपालिका सुर्खेतको प्रमुख प्रशासकीय अधिकृतमा नगेन्द्र प्रसाद रिजाल

चौकुने सुर्खेत सुर्खेतको चौकुने गाउँपालिकामा नयाँ प्रमुख प्रशासकीय अधिकृतका रूपमा नगेन्द्र प्रसाद रिजाल लाई स्वागत गरिएको छ । गाउँपालिका अध्यक्ष खडक बि क बासपाने वडा अध्यक्षहरु, कार्यापालिका सदस्यहरु, गाउँपालिकाका कर्मचारीहरु समेतको उपस्थिति रहेको कार्यक्रममा सबैले पाल्पाली ढाका टोपी र फूलमाला सहित स्वागत गर्नु भएको छ ।

अध्यक्ष खडक बि क बासपानेले नयाँ प्रमुख प्रशासकीय अधिकृत नगेन्द्रप्रसाद रिजालाई सबै जनप्रतिनिधिले कार्य सम्पादनमा सहज वातावरण बनाउने विश्वास दिलाउनु भएको छ । चौकुने गाउँपालिका अरु पालिकाको सन्दर्भमा दुर्गम र धार्मिक पर्यटनको सम्भावनायुक्त गाउँपालिका भएकाले जनप्रतिनिधि र कर्मचारीको सहकार्यबाट मात्र गाउँपालिकाको विकास सम्भव हुने बताउनु भएको छ ।

यस्तै प्रमुख प्रशासकीय अधिकृत नगेन्द्र प्रसाद रिजालले आफ्नो अनुभव र क्षमतालाई गाउँपालिकाको समग्र विकास र सेवा प्रवाहमा खर्चिने प्रतिबद्धता जनाउनु भएको छ ।यसअघिका प्रमुख प्रशासकीय अधिकृत सुमन आचार्य उद्योग मन्त्रालयको कार्यालयमा सरुवा भई गएपछि नयाँ प्रमुख प्रशासकीय अधिकृतको रूपमा नगेन्द्र प्रसाद रिजाल चौकुने गाउँपालिकामा आउनु भएको छ ।