अनैतिक गतिविधिमा संलग्न ११ महिला, सात भारतीय नागरिकसहित १३ पुरुष नियन्त्रणमा

धनगढी । अनैतिक गतिविधिमा संलग्न ११ महिला, सात भारतीय नागरिकसहित १३ पुरुष प्रहरीले नियन्त्रणमा लिएको छ ।
कैलालीको धनगढी उपमहानगरपालिका क्षेत्रका विभिन्न होटल तथा लजहरूमा प्रहरीले विशेष अभियान सञ्चालन गर्दै २४ जनालाई नियन्त्रणमा लिएको छ। अनैतिक गतिविधि भइरहेको सूचनाका आधारमा गरिएको चेकजाँचका क्रममा ११ महिला र १३ पुरुषलाई नियन्त्रणमा लिइएको जिल्ला प्रहरी कार्यालय कैलालीले जनाएको छ।

प्रहरीका अनुसार पक्राउ परेकामध्ये सात जना भारतीय नागरिक पुरुष रहेका छन्। नियन्त्रणमा लिइएकाहरूलाई हिरासतमा राखेर घटनाबारे थप अनुसन्धान भइरहेको प्रहरी नायब उपरीक्षक योगेन्द्र तिमिल्सिनाले जानकारी दिएका छन्।

धनगढीका केही होटलमा यौनधन्दा सञ्चालन भइरहेको आरोप र सूचनापछि बुधबार विशेष निगरानी तथा छापा अभियान सञ्चालन गरिएको प्रहरीले जनाएको छ। यसअघि पनि यस्तै प्रकृतिको अभियानमा महिला तथा पुरुष गरी ३० जना पक्राउ परेका थिए।

प्रहरीले होटल तथा लजहरूमा हुने गैरकानुनी गतिविधि नियन्त्रणका लागि निगरानी र अनुगमनलाई निरन्तरता दिने जनाएको छ।