जाजरकोटमा भूकम्प पीडितको टहरामाथि पहिरो खस्दा चार जना घाइते

जाजरकोटमा भूकम्प पीडितहरुको अस्थायी टहरामाथि पहिरो खस्दा चार जना घाइते भएका छन् । घाइते हुनेमा कुशे गाउँपालिका-८, दल्लेनाका २९ वर्षीय कमला थापा, ३५ वर्षीय दलसरी थापा, उनकी चार वर्षीय छोरी हस्तिका थापा र १७ वर्षीय छोरी निर्माया थापा रहेकी छिन् ।
मंगलबार राति पहिरो उनिहरुको अस्थायी टहरामाथि खसेपछि च्यापियर चोटपटक लागेको जाजरकोट प्रहरीले जनाएको छ । जाजरकोट प्रहरी प्रमुख, डीएसपी पुरुषोत्तमप्रसाद पाण्डेका अनुसार घाइतेलाई उपचारका लागि सुर्खेत पठाउने तयारी भइरहेको छ ।