• चैत्र ७, २०८१
  • No Comment
  • 97

आजदेखि एसइई परीक्षा सुरू

काठमाडौं, चैत ७ – यसवर्षको माध्यमिक शिक्षा परीक्षा (एसइई) आजदेखि देशभर एकैसाथ सुरू हुँदैछ। राष्ट्रिय परीक्षा बोर्ड, परीक्षा नियन्त्रण कार्यालयका अनुसार परीक्षा सञ्चालनका सबै तयारी पूरा भइसकेका छन्।

परीक्षा नियन्त्रक नन्दलाल पौडेलका अनुसार यस वर्ष पाँच लाख १४ हजार ७१ विद्यार्थीले परीक्षा दिने छन्। गत वर्षको तुलनामा यसवर्ष ४९ हजार २८६ जना बढी विद्यार्थी सहभागी हुँदैछन्।

देशभर परीक्षा सञ्चालनका लागि दुई हजार ७९ परीक्षा केन्द्र निर्धारण गरिएका छन्। परीक्षामा १५० जनासम्म परीक्षार्थी भएका केन्द्रमा एक जना सहायक केन्द्राध्यक्ष तोकिएका छन् भने २० विद्यार्थी बराबर एक जना निरीक्षक रहने छन्। ७५ जनाभन्दा कम परीक्षार्थी भएका केन्द्रमा सहायक केन्द्राध्यक्ष नरहने व्यवस्था गरिएको छ।

यसपटक कारागार र बाल सुधार गृह गरी तीन परीक्षा केन्द्र समेत तोकिएको छ। काठमाडौँ र दैलेखका कारागार तथा भक्तपुरको बाल सुधार गृहमा रहेका विद्यार्थीले पनि परीक्षा दिने व्यवस्था मिलाइएको छ।

परीक्षा चैत ७ गतेदेखि १९ गतेसम्म सञ्चालन हुनेछ। बिहान ८ बजेदेखि ११ बजेसम्म परीक्षा सञ्चालन हुनेछ। पहिलो दिन अनिवार्य अंग्रेजी विषयको परीक्षा हुँदैछ। चैत ८ गते अनिवार्य नेपाली, चैत १० गते अनिवार्य गणित, चैत १२ गते अनिवार्य विज्ञान तथा प्रविधि, चैत १३ गते अनिवार्य सामाजिक, चैत १४ गते ऐच्छिक प्रथम र चैत १५ गते ऐच्छिक द्वितीय विषयको परीक्षा सञ्चालन गरिनेछ।

नतिजा लेटर ग्रेडिङ प्रणालीमै सार्वजनिक गरिनेछ। सरकारले यस वर्षको परीक्षा उतिर्ण प्रतिशत ७० पुर्‍याउने लक्ष्य राखेको छ। गत वर्ष ४८ प्रतिशत विद्यार्थी मात्रै उतिर्ण भएकाले सबैलाई पुरक परीक्षा दिन पाउने अवसर दिइएको थियो।

सम्बन्धित खबर

भिटामिन बी–१२ को कमीले बढाउँछ नकारात्मक विचार र मानसिक समस्या

भिटामिन बी–१२ को कमीले बढाउँछ नकारात्मक विचार र मानसिक…

शरीरलाई स्वस्थ राख्नका लागि विभिन्न पोषक तत्व आवश्यक हुन्छन्, जसमा भिटामिन बी–१२ महत्त्वपूर्ण मानिन्छ। यसको कमीले शारीरिक मात्र नभई मानसिक स्वास्थ्यमा…
सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…
कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…

Leave a Reply

Your email address will not be published. Required fields are marked *