• भदौ १४, २०८२
  • No Comment
  • 27

महानगर प्रहरीको काम सिनेमा हेरेजस्तो लाग्छ : मेयर बालेन

काठमाडौं । काठमाडौं महानगरपालिकाका मेयर बालेन्द्र शाह (बालेन)ले महानगर प्रहरीको काम सिनेमा हेरेजस्तो लाग्ने गरेको बताएका छन् ।

शनिबार (भदौ १४) ३३औँ महानगर प्रहरी दिवसका अवसरमा राजधानीमा आयोजित कार्यक्रममा उनले सिटी प्रहरीको कार्यशैली हलिउड फिल्ममा देखिने न्युयोर्क सिटी पुलिसको जस्तै लाग्ने उल्लेख गरे ।

“सानोमा हलिउड फिल्महरूमा देखिने सिटी पुलिसलाई मात्र कल्पना गर्थ्यौँ, तर अहिले काठमाडौं महानगर प्रहरीको काम हेर्दा कहिलेकाहीँ सिनेमा हेरेजस्तो लाग्छ, जुन खुसीको कुरा हो,” मेयर शाहले भने ।

उनका अनुसार काठमाडौं महानगरपालिकाले गरेका कार्यबाट देशका अन्य स्थानीय तहहरूले सिक्ने क्रम बढिरहेको छ र त्यसमा महानगर प्रहरीको ठूलो योगदान छ ।

सार्वजनिक सम्पत्तिको संरक्षण, अतिक्रमण हटाउने, महानगरमा सुशासन, सुव्यवस्था र अनुगमन गर्ने काममा महानगर प्रहरीको भूमिका महत्वपूर्ण रहेको उनले प्रस्ट पारे ।

“काठमाडौंलाई जसरी राजधानीको रूपमा चिनिन्छ, त्यस्तै महानगर प्रहरी बललाई पनि काठमाडौंको पर्यायवाची पहिचानका रूपमा स्थापित गरिएको छ,” उनले थपे ।

मेयर शाहले महानगर प्रहरीको कर्मनिष्ठा र योगदान आगामी दिनमा पनि अन्य सिटी पुलिस तथा स्थानीय सरकारहरूका लागि सिकाइको उदाहरण बन्ने विश्वास व्यक्त गरे ।

सम्बन्धित खबर

सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…
कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…
सोरु गाउँपालिकामा अनियमितता : निमित्त प्रमुख प्रशासकीय अधिकृत शाहीमाथि करोडौँको भ्रस्टाचारको आरोप

सोरु गाउँपालिकामा अनियमितता : निमित्त प्रमुख प्रशासकीय अधिकृत शाहीमाथि…

मुगु — शक्तिको दुरुपयोग र कानुनी प्रावधानको खुलेआम उल्लंघन गर्दै सोरु गाउँपालिकामा ठूलो आर्थिक अनियमितता भएको तथ्य बाहिर आएको छ ।…

Leave a Reply

Your email address will not be published. Required fields are marked *