- चैत्र १, २०८१
- No Comment
- 37
नेपालले हङकङलाई ३ विकेटले पराजित गर्यो
नेपालको यू-१९ टोलीले तीन खेलको एकदिवसीय सिरिजअन्तर्गत हङकङलाई ३ विकेटले पराजित गरेको छ।
मुलपानीस्थित क्रिकेट मैदानमा हङकङले दिएको ११४ रनको लक्ष्य नेपालले ७ विकेटको क्षतिमा पूरा गर्दै जित हासिल गर्यो। नेपालका लागि श्रीव्रिन श्रेष्ठले २३ रनको योगदान दिए।
त्यसअघि हङकङको टोली ११३ रनमै अलआउट भएको थियो। हङकङका अब्दुल समादले अर्धशतक प्रहार गर्दै उत्कृष्ट प्रदर्शन गरे। नेपालका बलर सन्तोष यादवले ४ विकेट लिएर टोलीलाई बलियो स्थितिमा पुर्याए।
सिरिजअन्तर्गत दोस्रो खेल बुधबार बिहान ८:४५ बजे हुने तय भएको छ।
