युनिसेफ नेपालद्वारा कार्यशाला गोष्ठी

दैलेख। युनिसेफ नेपाल को आर्थिक सहयोगमा नारायण नगरपालिका दैलेखको आयोजनामा नारायण नगरपालिका १ को वडा कार्यालयमा कार्यशाला गोष्ठी गरिएको छ। बिहिबार स्थानीय विपद तथा जलवायु उत्थानशील वडास्तरीय योजना तर्जुमा कार्यशाला गोष्ठी गरिएको छ।कार्यशाला गोष्ठीमा वडाका सरोकारवाला निकाय, राजनीति दल, मिडियाकर्मी, बुद्धिजीवी, शिक्षक, सुरक्षाकर्मी, बाल क्लब, टोल विकास समिति प्रतिनिधिको उपस्थिति रहेको थियो।

उक्त गोष्ठी तथा कार्यक्रममा विगतका समयमा हुने गरेका विभिन्न दैविक प्रकोप, जलवायु मा भए गरेका असर तथा प्रभाव सम्बन्धी हुने गरेका विपत र अहिलेको समयमा हुने गरेका विभिन्न प्राकृतिक प्रकोप जलवायु सम्बन्धी हुने गरेका विपत र विपत व्यवस्थापन कसरी गर्न सकिन्छ विपदबाट हुने गरेका दुर्घटना क्षतिलाई न्यूनीकरण कसरी गर्ने भन्ने विषयमा विभिन्न खालका छलफलहरु गरिएको थियो।