ग्रीन टीका १० चमत्कारिक फाइदा

ग्रीन टी पिउने प्रचलन दिन प्रतिदिन बढ्दै गइरहेको छ। स्वास्थ्यप्रेमीहरूका लागि यो चिया मात्र नभई औषधीय गुणयुक्त पेयको रूपमा समेत लोकप्रिय बन्दै गएको छ। विभिन्न अध्ययनहरूले ग्रीन टीले शारीरिक तथा मानसिक स्वास्थ्यमा सकारात्मक प्रभाव पार्ने पुष्टि गरेका छन्।

विशेषगरी भारत र चीनमा प्राचीनकालदेखि नै ग्रीन टीको प्रयोग औषधिको रूपमा हुँदै आएको पाइन्छ। यसले रगत रोक्ने, घाउ निको पार्ने, पाचन प्रणालीलाई मजबुत पार्ने, मुटु तथा मानसिक स्वास्थ्य सुधार गर्ने र शरीरको तापक्रम नियन्त्रण गर्ने काम गर्छ। पछिल्ला अनुसन्धानहरूले ग्रीन टीको सेवनले तौल घटाउने, कलेजोको समस्या समाधान गर्ने तथा टाइप-२ डायबेटिज नियन्त्रण गर्ने पुष्टि गरेका छन्।

विशेषज्ञहरूका अनुसार ग्रीन टीमा पाइने पोलिफेनल तत्वले क्यान्सरको जोखिमसमेत कम गर्छ। स्तन, ब्लाडर, पाठेघर, फोक्सो, प्रोस्टेट, छाला तथा पेटको क्यान्सर रोकथाम गर्न ग्रीन टी प्रभावकारी देखिएको छ।

ग्रीन टी सेवन गर्दा पाइने १० प्रमुख फाइदाहरू:

1. आँखाको ज्योति बढाउँछ – ग्रीन टीले आँखाको स्वास्थ्यमा सुधार ल्याउँछ र दृष्टि तेज बनाउँछ।
2. कोलेस्ट्रोल कम गर्छ – शरीरमा कोलेस्ट्रोलको मात्रा घटाई मुटु रोगको सम्भावना कम गर्छ।
3. दाँत र गिजाको रक्षा गर्छ – ग्रीन टीले दाँतलाई स्वस्थ राख्दै गिजामा संक्रमण हुनबाट जोगाउँछ।
4. मस्तिष्कलाई सक्रिय बनाउँछ – ग्रीन टीले दिमागको कार्यक्षमता बढाउँछ र स्मरणशक्ति तेज बनाउँछ।
5. क्यान्सर रोकथाममा सहयोगी – शरीरका विभिन्न भागमा हुने क्यान्सरको सम्भावना कम गर्छ।
6. बुढ्यौली ढिलो ल्याउँछ – अल्जाइमर र पार्किन्सन जस्ता रोगको सम्भावना कम गर्छ।
7. तौल घटाउन मद्दत गर्छ – ग्रीन टीले शरीरमा बोसो जलाउने प्रक्रियालाई तीव्र बनाउँछ।
8. आयु लम्ब्याउँछ – नियमित रूपमा ग्रीन टी पिउँदा जीवनको आयु लम्बिने सम्भावना बढ्छ।
9. रक्तचाप र मधुमेह नियन्त्रणमा प्रभावकारी – उच्च रक्तचाप र मधुमेह घटाउन मद्दत गर्छ।
10. मानसिक तनाव कम गर्छ – यसले एन्टी भाइरल र एन्टी ब्याक्टेरियलको काम गरी तनाव कम गर्न मद्दत गर्छ।