वीरेन्द्रनगरबाट ब्राउन सुगरसहित २ जना युवा पक्राउ

वीरेन्द्रनगर १० दीपनगर टोलबाट लागुऔषध ब्राउन सुगरसहित दुई जना युवालाई प्रहरीले पक्राउ गरेको छ ।

पक्राउ पर्नेमा पलाता गाउँपालिका-५, कालीकोट घर भई हाल सुर्खेतको वीरेन्द्रनगर-९ लाटिकोइली बस्दै आएका २७ वर्षीय प्रयास बम ठकुरी र वीरेन्द्रनगर-१०, का २१ वर्षीय चन्द्र सुनार रहेका छन् ।

उनीहरूलाई आइतबार बेलुका विशेष सुचनाका आधारमा पक्राउ गरिएको हो ।

जिल्ला प्रहरी कार्यालय सुर्खेतका अनुसार उनीहरूको साथबाट ५० मिलिग्राम लागुऔषध ब्राउन सुगरजस्तो देखिने धुलो पदार्थ र लागुऔषध जस्तो देखिने १५ ट्याब्लेट बरामद गरिएको छ ।

पक्राउ परेका दुवैलाई जिल्ला प्रहरी कार्यालय सुर्खेतको नियन्त्रणमा राखीएको छ । र थप अनुसन्धान कार्य भइरहेको प्रहरीले जनाएको छ ।