सल्यानको बुरेलीखोलामा फोर्स गाडी दुर्घटना, १६ घाइते,  ४ जनाकाे अवस्था  गम्भीर 

सल्यानको बुरेलीखोलामा नजिक फोर्स गाडी दुर्घटना हुँदा १६ जना यात्रु घाइते भएका छन् । भने घाइते मध्येका ४ जनाको अवस्था गम्भीर रहेको छ ।

बाँकेको नेपालगन्जबाट रुकुम पश्चिमको चौरजहारी जाँदै गरेको लु २ ख ५००२ नम्बर को फोर्स गाडी सल्यानको कुमाख गाउँपालिका १ बुरेलीखोलामा आज विहान ४ बजे तिर दुर्घटना भएको हो ।

दुर्घटनामा गम्भीर घाइते भएका पश्चिम रुकुम चौरजहारी नगरपालिका १ पश्चिम रुकुमका वर्ष ३३ का त्रिलोचन गिरी, कुमाख गाउँपालिका ३ सल्यानका ३२ वर्षका गिता वुढा रहेका छन र उनीहरुलाई थप उपचारका लागि नेपालगन्ज रिफर गरिएको छ ।

जिल्ला प्रहरी कार्यालय सल्यानका सूचना अधिकारी रेसम खत्रीका अनुसार २० यात्रु सवार गाडीमा १६ जना घाइते भएका हुन ।

सामान्य घाइते १२ जनालाई उद्दार गरेर उपचारका लागि चौरजहारी अस्पताल पुर्‍याईएको प्रहरीले जनााएको छ । प्रहरीका अनुसार ब्रेक फेल भएको कारण गाडी दुर्घटना भएको प्रारम्भिक अनुमान छ ।
दुर्घटनाको बारे थप अनुसन्धान भइरहेको छ ।