चौकुने ८ मा बालमैत्री स्थानीय शासन सम्बन्धी अभिमुखीकरण कार्यक्रम सम्पन्न

चौकुने। चौकुने गाउँपालिकामा बालमैत्री स्थानिय शासन सम्बन्धी अभिमुखिकरण कार्यक्रम सम्पन्न भएको छ ।युनिसेफ नेपालको आर्थिक सहयोग र चौकुने गाउँपालिका वडा न.८ को समन्वयमा सोसेक नेपाल ले आयोजना गरेको उक्त कार्यक्रम सम्पन्न भएको हो ।कार्यक्रममा लैंगिक हिंसाको न्युनिकरण, बालबालिकामा लगानिको आवस्यकता, बालबालिकामैत्री बित्त ब्यवस्थापन, स्थानिय नीति निर्माण प्रकृया, किशोरी सशक्तिकरण कार्यक्रम,
बाल अधिकार सम्बन्धी कानुनी तथा संबैधानिक ब्यबस्था, बालमैत्री स्थानीय शासन कार्यान्वयन निर्देशिका, सुचकहरु, नीतिगत ब्यबस्था, कार्यान्वयन प्रक्रिया, संस्थागत संरचना, सम्बन्धित निकायहरुको भुमिका, बाल संरक्षण र बाल अधिकार लगायतका बिषयहरुमा छलफल भएको थियो ।

चौकुने गाउँपालिका वडा न ८ का वडा अध्यक्ष कमल बहादुर जि सी ले कार्यक्रम एकदमै महत्वपुर्ण भएको बताउदै ,उहाँले बालसुधार र बालसंरक्षणका सन्दर्भमा कार्यक्रम आयोजना गरिएको हुनाले यसको विशेषता फरक भएको र ‘हामी पनि कुनै अवस्थामा बालक थियौँ, हामीलाई पनि त्यो आवश्यक थियो’ ‘आजको बालबालिकाहरुको संरक्षण गर्ने, उनिहरुलाई सुरक्षा दिने, व्यवस्थापन गर्ने कुरा एउटा वडा र पालिकाका लागि मात्रै नभई संसारकै लागि महत्वपुर्ण कुरा हो ।’ आफ्नो वडा र चौकुने गाउँपालिकाले बालबालिकालाई व्यवस्थापन गर्ने सवालमा काम गरिरहेको बताउनु भएको छ ।

कार्यक्रममा सहजिकरण गरिरहेका सोसेक नेपालका सामाजिक सहजकर्ता गणेश रावलले बालबालिका र विशेष गरी महिलाहरुको समग्र वृद्धिविकासका लागि कार्यक्रम आयोजना गरिएको बताउनु भएको थियो । उहाँले युरोपियन युनियनको सहयोगमा देशका ३२ वटा पालिकाहरुमा उक्त कार्यक्रम आयोजना भैरहेको बताउनु भयो । उहाँले योजना निर्माणको समय भएकाले बालबालिकाका क्षेत्रमा र महिलाका क्षेत्रमा हुनुपर्ने कार्यहरुका बारेमा स्थानियपालिकाका प्रतिनिधिहरु बिधालयका प्रधानाध्यापकसँग छलफल गरिएको बताउनु भएको छ । कार्यक्रम चौकुने गाउँपालिका वडा न ८ का वडाअध्यक्ष कमल बहादुर जि सी को अध्यक्षतामा भएको उक्त कार्यक्रममा बिधालयका प्रधानाध्यापक , वडा सदस्यहरु, बालक्लबका प्रतिनिधि, शिक्षक, महिला समूह, महिला स्वयंसेविकाहरु ,जन प्रतिनिधि लगायत बालबालिकाहरूको उपस्थित रहेको उक्त कार्यक्रममा सोसेक नेपालका प्रतिनिधि गणेश रावलले सहजिकरण गर्नु भएको थियो ।