- साउन २८, २०८२
- No Comment
- 77
मुगुकाे छायाँनाथ रारा नगरपालिकामा तालाबन्दी

मुगु – मुगुको छायाँनाथ रारा नगरपालिकामा वडा अध्यक्षहरूले अनिश्चितकालका लागि तालाबन्दी गरेका छन्। मेयर विष्णुकुमार भाममाथि बजेट सभामा छलकपट र कार्यविधि विपरीत एजेन्डा प्रस्तुत गरेको आरोप लगाउँदै तालाबन्दी गरिएको हो।
१४ वडामध्ये ३ जना जिल्ला बाहिर भएकाले ११ जना वडा अध्यक्षले संयुक्त रूपमा तालाबन्दी गरेका हुन्। उनीहरूले मेयर भामले स्थानीय सरकार सभा सञ्चालन कार्यविधि उल्लङ्घन गर्दै बजेट एजेन्डामाथि छलफल नगरेको आरोप लगाएका छन्।
छायाँनाथ रारा नगरपालिका–२ का वडा अध्यक्ष परेक राज चौलागाईका अनुसार, नगरपालिकाबाट अन्य पालिकामा सरुवा हुने वडा सचिवहरूलाई मिलोमोतोमा रमानपत्र दिने, सामाजिक सुरक्षा भत्ता वितरण र वडाको दैनिक कामकाज अवरुद्ध भएको कारण तालाबन्दी गर्नुपरेको हो।
तर, मेयर भामले आफूले कार्यविधि विपरीत कुनै निर्णय नगरेको दाबी गरेका छन्।