जुम्ला–सुर्खेत सडकखण्ड र जयपृथ्वी राजमार्ग पहिरोले अवरुद्ध

सुर्खेत। देशका दुई प्रमुख राजमार्ग पहिरोका कारण पूर्णरूपमा अवरुद्ध भएका छन्।

आज बिहान ६ बजे कालिकोटको खाँडाचक्र नगरपालिका–५ स्थित बिहानी खोलानजिक जुम्ला–सुर्खेत सडकखण्डमा माथिबाट खसेको पहिरोले सडक पूर्णरूपमा अवरुद्ध भएको छ।

त्यस्तै, बिहान ७ बजे बैतडीको सिगास गाउँपालिका–९ रमिलापुरस्थित जयपृथ्वी राजमार्गअन्तर्गत खोड्पे–बझाङ सडकखण्डमा पनि पहिरो खस्दा आवागमन ठप्प भएको प्रहरीले जनाएको छ।

दुवै सडकखण्ड खुलाउने प्रयास भइरहेकाे प्रहरीले जनाइएको छ।