सुर्खेतमा ब्राउनसुगरसहित दुई जना नियन्त्रणमा

सुर्खेत । सुर्खेत प्रहरीले लागुऔषधसहित दुई जनालाई नियन्त्रणमा लिएको छ।

शनिबार साँझ ७:३० बजे वीरेन्द्रनगर–१२ नेवारेमा लागुऔषध नियन्त्रण शाखा सुर्खेत र जिल्ला प्रहरी कार्यालय सुर्खेतको संयुक्त टोलीले चेकजाँच गर्ने क्रममा भे.३ प.४८६ नम्बरको मोटरसाइकलमा सवार दुई जनाको साथबाट ब्राउनसुगर जस्तो देखिने ६१० मिलिग्राम खैरो धुलो पदार्थ, नगद ५ हजार रुपैयाँ, डिजिटल तराजु १ थान र मोटरसाइकल बरामद गरेको हो।

नियन्त्रणमा परेकामा वीरेन्द्रनगर–१२ नेवारेका २८ वर्षीय निरज बाबुराई र २४ वर्षीय विशाल राई रहेकाे प्रहरीले जनाएकाे छ। उनीहरूलाई आवश्यक अनुसन्धानका लागि प्रहरी नियन्त्रणमा राखिएको छ।