सुर्खेतमा १.४३० ग्राम ब्राउन सुगरसहित ४ जना पक्राउ

सुर्खेत। सुर्खेत प्रहरीले लागुऔषध ब्राउन सुगरसहित ६ जनालाई पक्राउ गरेको छ। जिल्ला प्रहरी कार्यालय सुर्खेतबाट खटिएको विशेष टोलीले वीरेन्द्रनगर नगरपालिका वडा नं. १० बाट १ ग्राम ४३० मिलिग्राम ब्राउन सुगरसहित उनीहरूलाई नियन्त्रणमा लिएको हो।
जिल्ला प्रहरी कार्यालय सुर्खेतका सूचना अधिकारी तथा प्रहरी प्रवक्ता प्रहरी नायब उपरीक्षक (डिएसपी) मोतीलाल सुनुवारले दिएको जानकारी अनुसार, शुक्रबार साँझ ५:०० बजेको समयमा वीरेन्द्रनगर-१० स्थित लागुऔषधको कारोबार भइरहेको सूचनाका आधारमा प्रहरी टोलीले खानतलासी गरेको थियो।

यसलक्रममा वीरेन्द्रनगर-१० का २८ वर्षीय भक्त नेपाली र २३ वर्षीय नेपालीलाई ९९ ग्राम ३३० मिलिग्राम ब्राउन सुगरसहित पक्राउ गरिएको थियो।
यसैगरी, भदाै १४ गते दिउँसो १:३० बजे वीरेन्द्रनगर-१२ स्थित भित्री सडकखण्डमा लागुऔषध ब्राउन सुगरको कारोबार भइरहेको गोप्य सूचनाका आधारमा प्रहरीले वीरेन्द्रनगर-१२ का २८ वर्षीय निरज बाहुदार, २३ वर्षीय विशाल राई, २३ वर्षीय प्रेम राना र २३ वर्षीय प्रेम सिंह ठकुरीलाई ६४० मिलिग्राम ब्राउन सुगरसहित पक्राउ गरेको छ।
पक्राउ परेका सबै व्यक्तिहरूमाथि लागुऔषध नियन्त्रण ऐन, २०३३ अनुसार आवश्यक अनुसन्धान भइरहेको डिएसपी सुनुवारले जानकारी दिए।