आजकाे माैसम  

साउन २० — देशभर मनसुनी वायुको प्रभाव कायमै रहँदा कोशी र मधेस प्रदेशका केही स्थानमा वर्षाको सम्भावना रहेको जल तथा मौसम विज्ञान विभागले जनाएको छ।

विभागका अनुसार मनसुनको न्यूनचापीय रेखा सरदर स्थानको उत्तरतर्फ रहेकाले आज (मंगलबार) दिउँसो देशभर अधिकांश स्थानमा बादल लाग्नेछ। कोशी र मधेस प्रदेशका केही स्थान तथा अन्य प्रदेशका धेरै ठाउँमा मध्यम खालको वर्षा हुने सम्भावना छ।

लुम्बिनी र सुदूरपश्चिम प्रदेशका केही स्थान, साथै बागमती र गण्डकी प्रदेशका एक–दुई स्थानमा भारीदेखि धेरै भारी वर्षा हुन सक्ने पूर्वानुमान गरिएको छ।

यस्तै, आज राति पनि देशभर आकाश धेरैजसो स्थानमा बदली रहनेछ। लुम्बिनी, कर्णाली र सुदूरपश्चिम प्रदेशका धेरै स्थानमा मध्यम वर्षाको सम्भावना रहेको छ। तीमध्ये लुम्बिनी र सुदूरपश्चिम प्रदेशका केही स्थानमा भारीदेखि अत्यधिक भारी वर्षा हुन सक्ने विभागको चेतावनी छ।

विभागले वर्षाका कारण पहिरो, नदीमा पानीको बहाव वृद्धि तथा बाढीको जोखिम बढ्न सक्ने भएकाले आवश्यक सतर्कता अपनाउन आग्रह गरेको छ।