• साउन १२, २०८२
  • No Comment
  • 46

भारत गिल, जडेजा र सुन्दरको शतकको बलमा हारबाट जोगियो

काठमाडौँ । इंग्ल्यान्डविरुद्ध जारी पाँच टेस्ट खेलको चौथो खेल रोमाञ्चक मोडमा पुगेर बराबरीमा सकिएको छ। भारतले दोस्रो इनिङमा शुभमन गिल, रविन्द्र जडेजा र वासिङ्टन सुन्दरको उत्कृष्ट शतकको बलमा सम्भावित हारबाट आफूलाई जोगाउन सफल भएको हो।

चौथो टेस्टमा भारतले पहिलो इनिङमा ३५८ रन बनाएको थियो। जवाफी ब्याटिङमा इंग्ल्यान्डले जो रुटको १५० र कप्तान बेन स्टोक्सको १४१ रनको मद्दतमा ६६९ रन बनाउँदै भारतमाथि ३११ रनको विशाल अग्रता लिएको थियो।

दोस्रो इनिङको सुरुवातमै भारत संकटमा परेको थियो। कुनै रन नबनाउँदै २ विकेट गुमाएको अवस्थामा भारतका लागि शुभमन गिल र केएल राहुलले तेस्रो विकेटका लागि १८८ रनको महत्वपूर्ण साझेदारी गरे। गिल १०३ रनमा आउट भए भने राहुलले ९० रन बनाए।

त्यसपछि आएका रविन्द्र जडेजा र वासिङ्टन सुन्दरले इंग्ल्यान्डको जितको आशा समाप्त पारे। दुवैले पाँच सत्रसम्म टिकेर २०३ रनको अविजित साझेदारी गरे। जडेजा १०७ रनमा अविजित रहे भने सुन्दरले आफ्नो पहिलो टेस्ट शतक बनाउँदै १०१ रनमा अविजित रहे।

शुभमन गिलको टेस्ट करियरको यो चौथो शतक हो। उनले यो श्रृंखलामै ७०० रन पार गरेका छन्। जडेजाले श्रृंखलामा निरन्तर प्रभावशाली प्रदर्शन गर्दै आएका छन्।

पाँच खेलको श्रृंखला हाल २–१ को अवस्थामा पुगेको छ, जहाँ इंग्ल्यान्डले अग्रता लिएको छ। अब निर्णायक पाँचौं टेस्ट लन्डनको ‘द ओभल’ मैदानमा हुनेछ।

सम्बन्धित खबर

भिटामिन बी–१२ को कमीले बढाउँछ नकारात्मक विचार र मानसिक समस्या

भिटामिन बी–१२ को कमीले बढाउँछ नकारात्मक विचार र मानसिक…

शरीरलाई स्वस्थ राख्नका लागि विभिन्न पोषक तत्व आवश्यक हुन्छन्, जसमा भिटामिन बी–१२ महत्त्वपूर्ण मानिन्छ। यसको कमीले शारीरिक मात्र नभई मानसिक स्वास्थ्यमा…
सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…
कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…

Leave a Reply

Your email address will not be published. Required fields are marked *