- असार ३१, २०८२
- No Comment
- 52
मोबाइल चार्जर छुटाउने क्रममा करेन्ट लाग्दा १ जनाकाे मृत्यु

मोबाइल फोनको चार्जर unplug गर्ने क्रममा करेन्ट लागेर सुनसरीको बराहापोखरी गाउँपालिका–४ फाक्टाङकी २५ वर्षीया इन्द्रा राईको ज्यान गएको छ।
गएको राति मोबाइल चार्जबाट unplug गर्ने क्रममा करेन्ट लाग्दा उनी गम्भीर घाइते भएकी थिइन्। तत्कालै उपचारका लागि लैजाने तयारी भइरहेकै बेला उनको मृत्यु भएको वडाध्यक्ष सन्तोष आचार्यले जानकारी दिए।
घटनाबारे जानकारी पाउनेबित्तिकै जिल्ला प्रहरी कार्यालयबाट प्रहरी निरीक्षकको नेतृत्वमा टोली पठाइएको प्रमुख प्रहरी नायब उपरीक्षक (डीएसपी) प्रतीक विष्टले बताए।
प्रहरीका अनुसार घटनाको थप अनुसन्धान भइरहेको छ। स्थानीयवासीले घरभित्रै सामान्य लापरवाहीका कारण ज्यान जानु दुःखद भएको बताएका छन्।