यी व्यक्तिहरूले गल्तिले पनि अण्डा खानु हुँदैन

काठमाडौँ । अण्डा प्रोटिन, भिटामिन, खनिज तत्व लगायतका महत्वपूर्ण पोषक तत्वहरूको राम्रो स्रोत मानिन्छ। दैनिक एक वा दुई अण्डा खानु अधिकांश व्यक्तिहरूका लागि लाभदायक मानिए पनि, केही विशेष अवस्थाका व्यक्तिहरूका लागि अण्डाको सेवन स्वास्थ्यमा नकारात्मक असर पार्न सक्छ।

अण्डाको सेतो र पहेँलो भागमा भरपुर पोषक तत्व पाइन्छ – जस्तै फलाम, भिटामिन बी१२, क्याल्सियम, पोटासियम, र म्याग्नेसियम। यी तत्त्वहरू शरीरको मांसपेशी निर्माण, रोग प्रतिरोधात्मक क्षमता, र छालाको स्वास्थ्यका लागि अत्यावश्यक हुन्छन्। तर, सबैका लागि अण्डा उपयुक्त हुँदैन। स्वास्थ्य विशेषज्ञहरू भन्छन्– यी प्रकारका व्यक्तिहरूले अण्डा खानु हानिकारक हुन सक्छ:

१. मिर्गौलाका बिरामीहरू

अण्डामा प्रोटिनको मात्रा धेरै हुने भएकाले मिर्गौलामा दबाब बढ्न सक्छ। मिर्गौला सम्बन्धी समस्या भएका व्यक्तिहरूले अण्डा सेवन गर्नु अघि चिकित्सकको सल्लाह लिनु अनिवार्य छ।

२. उच्च कोलेस्ट्रोल भएका व्यक्तिहरू

अण्डाको पहेँलो भागले शरीरमा खराब कोलेस्ट्रोल (LDL) को मात्रा बढाउन सक्छ, जसले मुटु रोगको जोखिम बढाउँछ। यस्ता व्यक्तिहरूले विशेष गरी अण्डाको पहेँलो भागबाट टाढा रहनु उपयुक्त हुन्छ।

३. एलर्जी भएका व्यक्तिहरू

कतिपय व्यक्तिहरूलाई अण्डाबाट एलर्जी हुने गर्छ। अण्डा खाँदा पेट दुख्ने, वाकवाकी लाग्ने, बान्ता हुनेजस्ता लक्षण देखिएमा तुरुन्त चिकित्सकको सल्लाह लिनुपर्छ र अण्डा सेवन बन्द गर्नुपर्छ।

४. मोटोपना भएका व्यक्तिहरू

यदि तपाईं तौल घटाउने प्रयासमा हुनुहुन्छ भने अण्डाको पहेँलो भागले तपाईंको लक्ष्यमा बाधा पुर्याउन सक्छ। पहेँलो भागमा बोसोको मात्रा बढी हुने भएकाले मोटोपनाको समस्या भएका व्यक्तिहरूले सावधानी अपनाउनु जरुरी हुन्छ। तर, कसरत गरिरहेका व्यक्तिहरूले सेतो भाग मात्र खान सक्नेछन्।

 अण्डा स्वास्थ्यका लागि अत्यन्त फाइदाजनक भोजन भए पनि सबैका लागि उपयुक्त नहुन सक्छ। यदि तपाईं माथि उल्लिखित अवस्थाहरू मध्ये कुनैमा पर्नुहुन्छ भने, अण्डा खानु अघि चिकित्सकको सल्लाह लिनु नै सुरक्षित विकल्प हुनेछ।