जुनिचाँदे गाउँपालिकाको नक्कली छाप र नगदी रसिदसहित २ जना पक्राउ

जाजरकोट। जाजरकोटको जुनिचाँदे गाउँपालिकाको नक्कली छाप, लेटरप्याड र नगदी रसिद सहित २ जना युवा पक्राउ परेका छन । जुनिचाँदै गाउँपालिकाबाट निकासी हुने सम्पुर्ण जडिबुटी तथा खनिज जन्य पदार्थ लोड गरी लिएका सवारी हरु छेडागाड नगरपालिका ६ रादेउ स्थितका सडकहरुमा अबैध रुपमा राजश्व संकलन गरिरहेको आधारमा प्रहरीले पक्राउ गरेको हो ।

पक्राउ पर्नेमा जाजरकोट जुनिचाँदे गाउँपालिका वडा नम्बर २ निवासी २३ वर्षीय पारश शाही र साही गाँउपालिका वडा नम्बर ११ निवासी २१ वर्षीय यज्ञेश्वर बहादुर शाही रहेको जाजरकोट प्रहरीले जनाएको छ ।

उनीहरुलाई खानतलास गर्ने क्रममा अनुसुची १०१ म.ले.प.फा. नम्बर ११ आम्दानि सहित ठेली, जडिबुटी। खनिज पदार्थ चेकजाँच सिफारिस सम्बन्धमा लेखिएको गाउँपालिकाको पत्र, गाउँपालिकाकै म.ले.पा. फा.नम्बर १०१ रसिद नम्बर ४३९ कर संकलन रसिद फेलापारी बरामद गरिएको जाजरकोट जिल्ला प्रहरी कार्यालयका प्रहरी निरिक्षक सन्तोष चन्दले जानकारी दिनुभएको छ ।
पक्राउ गरी ५ दिनको म्याद थप गरी अनुसन्धान भइरहेको प्रहरीले जनाएको छ ।