जुम्लाको तिलामा जिप दुर्घटना: चालकसहित दुई जना घाइते

जुम्ला । जुम्लाको तिला गाउँपालिका–१ गाडगुडेनीमा जिप दुर्घटना हुँदा दुई जना घाइते भएका छन्। कर्णाली राजमार्गअन्तर्गत गाडगुडेनीमा क१ज ३७ नम्बरको जिप अनियन्त्रित भई दर्घटना भएको हो ।
दुर्घटनामा परि चालक २० वर्षीय दिनेश नेपाली र हिमा गाउँपालिका–६ का ५५ वर्षीय धनराज अधिकारी घाइते भएको जुम्ला प्रहरीले जनाएको छ।

जिल्ला प्रहरी कार्यालयका प्रहरी निरीक्षक रोहित रसाइलीका अनुसार दुवै घाइतेको कर्णाली स्वास्थ्य विज्ञान प्रतिष्ठानमा उपचार भइरहेको छ। दुर्घटना सम्बन्धी थप अनुसन्धान भइरहेको प्रहरीले जनाएको छ। झण्डै २०० मिटर तल तिला नदीमा खसेको अनुमान गरिएको छ।