बिहान चाँडै उठ्दा हुन्छन यस्ता फाइदा

काठमाडौं । दैनिक जीवनशैली सुधार गर्न र मानसिक सन्तुलन कायम राख्न बिहान चाँडै उठ्ने बानी निकै प्रभावकारी हुने विज्ञहरूले बताएका छन्। पछिल्लो समय गरिएको अध्ययन तथा आयुर्वेदिक मान्यताले पनि बिहानको समयलाई “ब्रह्ममुहूर्त” अर्थात् सबैभन्दा शुद्ध र ऊर्जाशील समय मानेको छ।

अनुसन्धानले देखाएको छ कि बिहान चाँडै उठ्ने व्यक्तिको ध्यान केन्द्रित गर्ने क्षमता, स्मरण शक्ति र मानसिक स्पष्टता ढिलो उठ्ने व्यक्तिको तुलनामा बढी हुन्छ। विहान ४ देखि ६ बजेसम्मको समय दिमागमा नकारात्मक विचारको प्रभाव न्यून हुने बताइएको छ।

विज्ञहरूका अनुसार बिहान चाँडै उठेपछि योग, ध्यान, व्यायाम तथा स्वस्थ नास्ता गर्ने बानी बसाल्न सकिन्छ, जसले मानसिक सन्तुलन र शारीरिक ऊर्जा वृद्धि गर्न मद्दत गर्छ। साथै, दिनभरिको योजना बनाउन सजिलो हुने र कार्यमा उत्साह बढ्ने कुरा पनि अध्ययनले पुष्टि गरेको छ।

स्वास्थ्य क्षेत्रका विज्ञ डा. रमेश काफ्लेका अनुसार, “विहानै सूर्यको प्रकाशमा बस्नाले हाम्रो मस्तिष्कमा स्फूर्तिदायी हार्मोनको स्राव हुन्छ, जसले तनाव घटाउँछ र सकारात्मक सोचको विकास गर्छ।”

यसैगरी, सकारात्मक सोचका कारण समस्या समाधान गर्ने दृष्टिकोणमा पनि फरकपन देखिन थाल्छ। मानसिक सशक्तिकरणसँगै रोग प्रतिरोधात्मक क्षमतामा समेत वृद्धि हुने विभिन्न अनुसन्धानहरूले देखाएका छन्।

बिहान चाँडै उठ्ने बानी न केवल व्यक्तिगत दिनचर्यालाई सुधार गर्छ, तर व्यक्तित्वमा समेत निखार ल्याउने कुरा विज्ञहरूले दोहोर्‍याएका छन्। उनीहरू भन्छन्, “सक्दो चाँडो उठौं, सकारात्मक सोचौं र स्वस्थ जीवनशैली अपनाऔं।”