मध्यपश्चिम विश्वविद्यालयले पदाधिकारी पूर्तिको विज्ञापन दुई दिनमै स्थगित गरेकाे छ ,

सुर्खेत, मध्यपश्चिम विश्वविद्यालयले डीन, डाइरेक्टर लगायतका पदाधिकारीहरूको आवश्यक्ता पूर्तिका लागि वैशाख २३ गते प्रकाशित गरेको विज्ञापन दुई दिनमै स्थगित गरिएको छ ।

कार्यकारी परिषद्को निर्णयअनुसार वैशाख २५ गते उक्त विज्ञापन स्थगित गरिएको हो । विश्वविद्यालयका रजिष्ट्रार प्रा.डा. शोभाखर कँडेलले सूचना प्रकाशित गर्दै कारणबस

अर्को सूचना नभएसम्मका लागि स्थगित गरिएको जानकारी दिएका छन् । विज्ञापन प्रकाशनपछि नेपाल राष्ट्रिय प्राध्यापक संगठनले विश्वविद्यालयको ऐन,

नियमविपरीत भएको भन्दै तीव्र आपत्ति जनाएको थियो । प्राध्यापक संगठनले सत्तारूढ नेकपा (एमाले) र नेपाली कांग्रेस मिलेर भागबण्डाको

उद्देश्यले विज्ञापन सार्वजनिक गरिएको आरोप लगाएको थियो । साथै सो संगठनले सत्तापक्ष एमाले र कांग्रेसले मिलेर भागबण्डा गर्ने

उद्देश्यले उक्त विज्ञापन प्रकाशित गरेकोले बदर गर्न अल्टिमेटम दिएको थियो ।