सुर्खेतमा लागुऔषध (ब्राउनसुगर) सहित एक जना पक्राउ

सुर्खेत। लागुऔषध (ब्राउनसुगर) सहित सुर्खेत प्रहरीले एकजनालाई पक्राउ गरेको छ । सोमबार वीरेन्द्रनगर नगरपालिका वडा नम्बर ३ स्थित यरिचोकबाट लागु औषध कारोबार भइरहेको अवस्थामा लागु औषध नियन्त्रण शाखा कार्यालय र जिल्ला प्रहरी कार्यालय सुर्खेत बाट खटिएको टोलिले पक्राउ गरेको हो ।

पक्राउ पर्नेमा भारतको उत्तर प्रदेशस्थित बहराइज निवासी २४ वर्षीय रिहान खान रहेको जिल्ला प्रहरी कार्यालय सुर्खेतका प्रहरी नायव उपरिक्षक मोहनजंग बुढथापाले बताएका छन । उपरिक्षक बुढथापाका अनुसार खानको साथबाट ४८० मिलिग्राम लागुऔषध (ब्राउनसुगर) बरामद गरिएको छ । खानलाई पक्राउ गरी आवश्यक अनुसन्धान भइरहेको प्रहरीले जनाएको छ ।