दैलेखमा करेन्ट लागेर १ युवकको मृत्यु

दैलेख । दैलेखको आठबिस नगरपालिकास्थित राकम कर्णालीमा घाँस काट्ने क्रममा करेन्ट लागेर २९ वर्षीय नगेन्द्र बहादुर माझीको मृत्यु भएको छ।

स्थानीयका अनुसार विद्युत् कार्यालयको लापरवाहीका कारण करेन्ट लागेर उनको ज्यान गएको हो। घटनापछि आक्रोशित मृतकका आफन्त र स्थानीयवासीले सोमबारदेखि कर्णाली राजमार्ग अवरुद्ध गरेका छन्।

राजमार्ग बन्द हुँदा सवारी साधनहरू राकम क्षेत्रमा नै रोकिएका छन्, जसका कारण यातायात सेवा पूर्ण रूपमा प्रभावित भएको छ।

पीडित पक्ष र प्रहरीबीच छलफल जारी रहेको छ। मृतकका आफन्तहरूले उचित क्षतिपूर्तिको माग गर्दै सडक नखोल्ने अडान लिएका छन्। घटना सम्वन्धि थप विवरण अाउन बाँकि रहेकाे प्रहरीले जनाएकाे छ ।