कुलमान घिसिङ र हितेन्द्रदेव शाक्यको रिटमा सर्वोच्चमा सुनुवाइ हुँदै

काठमाडौं – नेपाल विद्युत् प्राधिकरणको कार्यकारी निर्देशक नियुक्तिसम्बन्धी रिटमा आज पनि सर्वोच्च अदालतमा सुनुवाइ हुँदैछ।

निवर्तमान कार्यकारी निर्देशक कुलमान घिसिङ र नवनियुक्त हितेन्द्रदेव शाक्यद्वारा दायर रिटमा संयुक्त बहस जारी छ। मंगलबारदेखि न्यायाधीशद्वय कुमार चुडाल र नित्यानन्द पाण्डेयको इजलासमा भइरहेको सुनुवाइ हिजो नसकिएपछि ‘हेर्दाहेर्दै’ मा राखिएको थियो।

घिसिङले आफूलाई कार्यकाल नसकिँदै पदबाट हटाइएको भन्दै अन्तरिम आदेश माग गरेका छन्। त्यस्तै, शाक्यले आफूलाई हटाएर घिसिङलाई नियुक्त गरिएको निर्णय नै गलत भएको दाबी गर्दै आफ्नो रिटलाई प्राथमिकता दिन माग गरेका छन्।

सर्वोच्चको फैसलाले नेपाल विद्युत् प्राधिकरणको नेतृत्व कसको हातमा रहने भन्ने विषय तय गर्नेछ।