वीरेन्द्रनगरबाट लागुऔषध सहित १ जना पक्राउ

सुर्खेतकाे वीरेन्द्रनगर–४ कालागाँउबाट लागुऔषधसहित एक जनालाई प्रहरीले पक्राउ गरेको छ । प्रकाउ पर्नेमा वीरेन्द्रनगर नगरपालीका ४ बस्ने २९ बर्षीय विबेक थापा रहेका छन ।

जिल्ला प्रहरी कार्यालय सुर्खेतका प्रवक्ता एवम प्रहरी नायव उपरीक्षक वीरेन्द्रवीर विश्वकर्माका अनुसार थापालाई मंगलबार लागुऔषधको कारोबार भईरहेको छ, भन्ने गोप्य सुचनाका आधारमा पक्राउ गरिएको हो ।

कर्णाली प्रदेश प्रहरी कार्यालय सुर्खेतको टोली र लागुऔषध नियन्त्रण शाखा कार्यालय सुर्खेतबाट खटिएको संयुक्त प्रहरी टोलीले शंकास्पद अवस्थामा फेलापारी उनको घरकोठा तथा शरीर खानतलासी गर्दा शुद्ध १ सय १० मिलीग्राम लागुऔषध ब्राउनसुगर जस्तो धुलो पदार्थ फेला पारेको थियो ।

साथै उनलाई पक्राउ गरेर आवश्यक अनुसन्धान भईरहेको प्रहरीले जनाएको छ ।