एसियन कप छनोटमा आज नेपाल र मलेसियाबीच प्रतिस्पर्धा

एएफसी एसियन कप २०२७ छनोटअन्तर्गत समूह एफमा नेपालले आज मलेसियासँग प्रतिस्पर्धा गर्दै छ। खेल मलेसियाको जोहोरस्थित सुल्तान इब्राहिम स्टेडियममा नेपाली समयअनुसार साँझ ७:४५ बजे सुरु हुनेछ।

फिफा वरियतामा नेपाल १७५औं स्थानमा छ भने मलेसिया १३२औं स्थानमा रहेको छ। हालसम्म नेपालले मलेसियासँग खेलेका सातै खेलमा पराजय व्यहोरेको छ। अन्तिम पटक सन् २०१९ मा नेपाल २-० ले पराजित भएको थियो भने सन् १९८३ मा ७-० को फराकिलो हार बेहोरेको थियो।