कैलाली जंगलमा बसेका ९० विदेशी अझै हटेनन्

कैलाली — कैलालीको घोडाघोडी नगरपालिका–९ सिमली जंगलमा अवैध रूपमा बसेका विदेशी नागरिकहरूले प्रशासनको निर्देशन अटेर गरेका छन्।

जिल्ला प्रशासन कार्यालयले २४ घण्टाभित्र जंगल खाली गर्न आदेश दिए पनि ९० जना अझै बसेका छन्। इलाका प्रहरी कार्यालय सुखडका प्रमुख दीर्घ साउदका अनुसार सम्झाइबुझाइ गर्न पुगेको प्रहरी टोलीलाई ती विदेशी नागरिकले तत्काल नहट्ने बताएका छन्।

उनीहरूले केही दिनमै स्वेच्छाले जाने बताएका कारण बल प्रयोग नगरिएको प्रहरीले जनाएको छ।