नेपाल निजामाती कर्मचारी संगठनकाे वनभाेज कार्यक्रमसंगै भित्तेपात्रो सार्वजनिक ‍

सुर्खेत – नेपाल निजामाती कर्मचारी संगठन सुर्खेतले बुलबुले उद्यानमा आयोजना गरेको वनभोज कार्यक्रममा नवप्रवेशीलाई स्वागत गर्दै भित्तेपात्रो सार्वजनिक गरेको छ।

उक्त कार्यक्रमका प्रमुख अतिथिहरुमा कर्णाली प्रदेशका मुख्यमन्त्री यामलाल कँडेल र वीरेन्द्रनगर नगरपालिकाका नगर प्रमुख मोहनमाया ढकाल उपस्थित भएका थिए। कार्यक्रममा भित्तेपात्रो (क्यालेण्डर) को विमोचन गरिएको थियो ।

जुन नेपाल निजामाती कर्मचारी संगठन सुर्खेत जिल्ला कार्यसमितिले आर्थिक वर्ष २०८२ को लागि प्रकाशन गरेको थियो । मुख्यमन्त्री यामलाल कँडेलले सम्बोधन गर्दै भने , “स्थानीय ऐनमा कर्मचारीको हित विपरीत काम नगर्नुपर्ने कुरा स्पष्ट गरिएका छन्। उनले थपे, सरकार पनि कर्मचारीहरुको हित विपरीत कुनै काम नगर्ने प्रतिवद्धता जनाउँछ।”