यी नराम्रा बानीका कारण बालबालिकामा मोटोपन बढ्छ, यस्ता छन कारण

हालको समयमा बालबालिकामा मोटोपनको समस्या तीव्र रूपमा बढ्दै गएको छ। चिकित्सकहरूका अनुसार यसको प्रमुख कारण खराब जीवनशैली र अस्वस्थ खानपान हो। अत्यधिक गुलियो पेय पदार्थको सेवन, फास्ट फूडको लत, र शारीरिक गतिविधिको कमीका कारण बालबालिकाको तौल अनियन्त्रित रूपमा बढ्ने गरेको पाइन्छ।

विशेषज्ञहरूका अनुसार, घरमा पकाइएको स्वस्थकर खाना छाडेर बच्चाहरू जंक फूड, प्याकेज गरिएका पदार्थ र सडकका खाना खान रुचाउने प्रवृत्तिले उनीहरूलाई गम्भीर स्वास्थ्य समस्यामा पारिरहेको छ। भारतमा बालबालिकामा मोटोपनको समस्या विश्वमा दोस्रो स्थानमा रहेको तथ्यांकले देखाएको छ, जुन निकै चिन्ताजनक अवस्था हो।

बच्चाहरू बढी मात्रामा प्याकेज गरिएको खाना खान थालेका छन्, जसमा चिनीको मात्रा धेरै हुन्छ।  यसले मधुमेह, मुटुरोग र श्वासप्रश्वाससम्बन्धी समस्या निम्त्याउने सम्भावना बढाउँछ।

अभिभावकहरूको व्यस्त जीवनशैलीका कारण बच्चाहरूमा जंक फूड खाने बानी बस्दै गएको छ।

यसले आवश्यक पोषणको अभाव गराउँदै उनीहरूलाई अस्वस्थ बनाइरहेको छ।

मधुमेह, उच्च रक्तचाप, मुटुरोग जस्ता गम्भीर स्वास्थ्य समस्या निम्त्याउने खतरा।

मानसिक स्वास्थ्यमा असर पुग्ने, आत्मविश्वास घट्ने र डिप्रेसन बढ्ने सम्भावना।

अतिरिक्त तौलकै कारण विद्यालयमा अन्य बालबालिकाले खिल्ली उडाउने, जसले बच्चाहरूको भावनात्मक स्वास्थ्यमा प्रतिकूल प्रभाव पार्न सक्छ।

प्याकेज गरिएको खाना र जंक फूडको सेवन कम गर्नुपर्छ। २. बच्चाहरूलाई स्वस्थकर आहार, जस्तै भिटामिन, खनिज र फाइबरयुक्त खाना खुवाउनुपर्छ। ३. हरियो सागसब्जी र ताजा फलफूल खान प्रेरित गर्नुपर्छ। ४. घरमै पकाइएको पौष्टिक खाना दिनुपर्छ। ५. दिनभरि पर्याप्त मात्रामा पानी पिउन प्रेरित गर्नुपर्छ। ६. चिसो पेय पदार्थ र गुलियो पदार्थको सेवन नगर्नुपर्छ। ७. नियमित शारीरिक गतिविधि र खेलकुदमा सहभागी गराउनुपर्छ।

बाल्यकालमा मोटोपनले दीर्घकालीन स्वास्थ्य समस्याहरू निम्त्याउन सक्छ, जसले जीवनभर असर पार्न सक्छ। त्यसैले अभिभावकहरूले आफ्ना बालबालिकाको स्वास्थ्यप्रति सजग रहन आवश्यक छ।