हरिहरपुरगढीमा चट्याङ लाग्दा तीन जना घाइते

सिन्धुलीको हरिहरपुरगढी गाउँपालिका–१ बसेरीमा हिजो बेलुका परेको चट्याङका कारण तीन जना घाइते भएका छन्।

जिल्ला प्रहरी कार्यालय सिन्धुलीका प्रहरी उपरीक्षक गोविन्दराज काफ्लेका अनुसार घाइते हुनेहरूमा ५२ वर्षीया सुकुमाया मोक्तान, ६५ वर्षीय महन्त रुम्बा र २६ वर्षीया फुलमाया रुम्बा रहेका छन्।

प्रहरीका अनुसार गम्भीर घाइते सुकुमाया मोक्तानलाई थप उपचारका लागि हेटौंडा पठाइएको छ भने महन्त रुम्बा र फुलमाया रुम्बाको स्थानीय अस्पतालमा उपचार गरिएको छ।

सिन्धुलीमा हिजो बेलुका हावाहुरीसहित पानी परेपछि चट्याङ परेको थियो।