चितुवाको आक्रमणबाट बर्दियामा एक महिलाको मृत्यु

चितुवाको आक्रमणबाट शुक्रबार दिउँसो एक महिलाको मृत्यु भएको छ। बाख्रा चराउन जाँदा ती महिलालाई चितुवाले आक्रमण गरेको प्रहरीले जानकारी दिएको छ।

मधुवन नगरपालिका–७ की ५१ वर्षीया जुनाकुमारी लामिछानेलाई चितुवाले आक्रमण गरेको जिल्ला प्रहरी कार्यालय, बर्दियाका सूचना अधिकारी एंव डिएसपी ऋषिराम घर्ती मगरले बताए।

गम्भीर अवस्थामा उपचारका लागि उनलाई गुलरिया अस्पताल ल्याइएको थियो, तर अस्पताल पुग्दा उनको मृत्यु भएको डाक्टर सुभाष पाण्डेले बताए।