प्रधानमन्त्री ओलीले कीर्तिपुर क्रिकेट रंगशाला निर्माण तीव्रता ल्याउन निर्देशन

प्रधानमन्त्री केपी शर्मा ओलीले कीर्तिपुर क्रिकेट रंगशालाको निर्माणलाई अन्तर्राष्ट्रिय स्तरको बनाउन शहरी विकास मन्त्रालयलाई तीव्रताका साथ काम गर्न निर्देशन दिएका छन् । प्रधानमन्त्री ओलीले पदबहालीका क्रममा ३०० दिनभित्र रंगशालाको स्तरोन्नति सम्पन्न गर्ने निर्णय लिएका थिए ।

रंगशालामा प्यारापिट र ल्फडलाइटिङ निर्माणका लागि मन्त्रालयले आह्वान गरेको बोलपत्रबमोजिम मूल्याङ्कको चरण सकिन लागेकाले चाँडै ठेक्का सम्झौता हुने प्रधानमन्त्रीलाई अवगत गराइएको थियो । प्रधानमन्त्री ओलीले बजेट र कार्यक्रमको कार्यान्वयनमा ढिलाइको चिन्ता व्यक्त गर्दै, पूर्वाधार निर्माणमा ढिलाइ गर्दा मुलुकको उत्पादन र उत्पादकत्वमा असर पर्ने भएकाले ढिलाइ नगरी काम गर्न निर्देशन दिए । उनले मन्त्रालयको चालु आर्थिक वर्षको प्रगति सन्तोषजनक भए पनि काममा तीव्रता ल्याउन निर्देशन दिएका छन् ।

उपप्रधानमन्त्री एवं शहरी विकासमन्त्री प्रकाशमान सिंह र सम्बन्धित उच्चाधिकारीसमेतको सहभागितामा भएको छलफलमा मन्त्रालयमातहत रहेका सङ्घीय संसद भवन, धरहरा, सङ्घीय मन्त्रीहरूको निवास, दमक व्यापारिक कम्ल्पेक्स, नेपाली सेनाको चण्डी दल, थापाथलीस्थित नेपाल राष्ट्र बैँकको भवन निर्माण, हस्तान्तरण, सञ्चालन र मन्त्रालयको भावी योजनाबारे अवगत गराइएको थियो ।