अधिवक्ता त्रिपाठीविरुद्ध अवहेलना मुद्दा दायर

वरिष्ठ अधिवक्ता दिनेश त्रिपाठीविरुद्ध काठमाडौं जिल्ला अदालतमा अदालतको अवहेलना मुद्दा दायर भएको छ ।

काठमाडौं जिल्ला अदालतका सूचना अधिकारी दीपककुमार श्रेष्ठका अनुसार उदयपुरका दिलबहादुर राईले उनीविरुद्ध अदालतको अवहेलना मुद्दा दायर गरेका हुन् ।

‘बिहीबार मुद्दा दायर भएको हो । न्यायाधीशका विषयमा मिडियामा दिएको अभिव्यक्तिका कारण अदालतको अवहेलना भएको हुनाले उक्त मुद्दामा कारबाही गरी पाऊँ भन्दै मुद्दा दायर भएको हो,’ श्रेष्ठले बताए ।