दैलेख बजारमा बसपार्क व्यवस्थापनको नयाँ निर्णय

दैलेख जिल्ला सदरमुकाम बसपार्क व्यवस्थापनको निर्णय टुङ्गोमा पुगेको छ । वर्षौंदेखि विवादमा रहेको दैलेख बजारमा अव्यवस्थित यात्रुवाहक गाडीहरू पार्किङ गर्नाले बजार कुरुप साँघुरो बनेको हो । यस कारण यात्रुहरुले शास्ती भोगिरहेका थिए । जस्‌का कारणले गर्दा स्थानिय निकाय र प्रशासनले समस्याको समाधानका लागि नयाँ निर्णय गरेका छन् ।
हिजाे साेमबार बसेकाे बैठकले याे निर्णयमा गरिएकाे थियाे ।  सुर्खेत र नेपालगन्जबाट आउने यात्रुवाहक गाडीहरुलाई दैलेख जिल्लाको नारायण नगरपालिका – १ स्थित दैलेखबजारको प्रवेशद्दारमा रहेको पुरानो बसपार्क र नारायण नगरपालिका – ६ काँडाचौरस्थित नयाँ बसपार्कमा राख्ने व्यवस्था गरिएको छ । पुरानाे बसपार्कलाई छुट काउनटरको रुपमा सन्चालन गर्ने भएको छ । भने यात्रुलाई झार्ने र चडाउने स्थान काँडाचाैर बसपार्कमा हुने छ, र फर्किने बेला गाडीहरु पुरानो बसपार्कबाट छुट्ने छन् ।
यस निर्णयले बजार क्षेत्रलाई अव्यवस्थित पार्किङबाट खुल्ला पार्ने र यातायात व्यवस्था सुधार्ने लक्ष्य राखेको छ । यदि यातायात व्यवसायीहरुले यो नियम उल्लघन गरे भने, उनीहरुलाई उचित कारबाही गर्ने चेतावनी समेत दिएको छ ।

धेरै समय अगाडी देखि यात्रुहरूले शास्ती भोग्नु परेकाले जनगुनासो भएको हुँदा सोमबार दैलेख जिल्ला प्रमुख जिल्ला अधिकारी नवराज जैसीको अध्यक्षतामा बैठक बसेको थियो । उक्त बैठकमा जिल्लाका विभिन्न राजनीतिक दल जनप्रतिनिधि, सुरक्षा प्रमुखहरू, सरकारवाला निकायहरू, यातायात व्यवसायीहरू लगायत स्थानीयको उपस्थिति रहेको थियो । दैलेख जिल्लाको सदरमुकाम नारायण नगरपालिका -१ स्थित दैलेख बजारको प्रवेशद्वारमा रहेको पुरानो बसपार्क र सोही नगरपालिका- ६ स्थित काँडाचौरमा नयाँ बसपार्क बनाइएको छ।

बसपार्क हुँदाहुँदै पनि व्यवसायीहरूले मनलाग्दी जथाभावी बजार क्षेत्रमा पार्किङ गर्नाले बजार धेरै साँघुरो र कुरूप हुने यहाँको स्थानीय निकाय र प्रशासनको निर्णयलाई अटेर गरेको केही व्यापारी र बिचौलियाको हालीमुहाली भएको दैलेख जिल्ला समन्वय समितिका प्रमुख नवराज शाहीले बताउनुभयो । शाहिका अनुसार बसपार्कको विषयमा पहिला पनि यस्ता कैयौँ निर्णय गरिएकाे थियाे ।

जिल्ला प्रशासन कार्यालय दैलेखमा धेरै चोटी यस्ता निर्णय भएता पनि
कार्यान्वयन हुन सकिरहेको थिएन ।

बैठकमा साेही ठाउँका स्थानीय भुवन मल्लले,  विगतमा पनि काँडाचौर बसपार्कलाई मुख्य बसपार्क मान्ने र पुरानो बसपार्कलाई छुट काउन्टरको रुपमा सञ्चालन गर्ने भन्ने यस्ता निर्णयहरु बारम्बार भएको तर यातायात व्यवसायीहरुले मनपरी गरेको यो ज्याजति सहिय नहुने जनतालाई दुःख दिने गरेको यहाँको स्थानीय निकाय र प्रशासन मुखदर्शक बनेको बताउनुभयो ।

कार्यक्रममा उपस्थित सबैको निर्णयअनुसार सुर्खेत नेपालगञ्जबाट आउने यात्रुवाहक गाडीहरू मालपोत तल्लो बाटो हुँदै यात्रुलाई झार्ने ठाउँमा झार्ने र काँडोचोर बसपार पुग्नुपर्ने फर्किने बेला बजार हुँदै पुरानो बसपार्कबाट गाडीहरु छुटाउनुपर्ने भनी गरिएको निर्णयलाई व्यवस्था गरेको खण्डमा यातायात व्यवसायीलाई नै कारबाहीको दायरामा ल्याउने प्रमुख जिल्ला अधिकारी नवराज जैसीले बताउनुभएको छ । उक्त निर्णयलाई २०८१ साल माघ १० गतेबाट कार्यान्वयनमा ल्याउने निर्णय गरियो ।