• पुस २७, २०८१
  • No Comment
  • 32

जुम्लामा ८ हजार ८२९ छात्रालाई क्यान्सर विरूद्धको खोप लगाइने

जुम्लाका आठ वटै स्थानीय तहका ८ हजार ८ सय २९ जना छात्रालाई क्यान्सर विरूद्धको खोप लगाइने भएको छ ।

नेपाल सरकारको राष्ट्रिय खोप कार्यक्रम अन्तर्गत यहाँका सामुदायिक तथा निजी विद्यालयका कक्षा ६ देखि १० सम्म अध्यनरत करिब आठ हजार आठ सय २९ छात्रालाई पाठेघरको मुखको क्यान्सर गराउने एचपिभी (ह्युमन प्यापीलोमा भाइरस) विरूद्धको खोप दिइने जनस्वास्थ्य सेवा कार्यालय जुम्लाका प्रमुख कृष्ण सापकोटाले जानकारी दिए ।

उक्त भाइरस विरूद्धको खोप कार्यक्रम सञ्चालनका लागि जिल्लाका सबै स्थानीय तह बाट तथ्याङ्क सङ्कलन भइरहेको छ । देशव्यापी खोप कार्यक्रम अन्तर्गत आगामी माघ २२ गते देखि फागुन ६ सम्म एकै पटक सञ्चालन हुनेछ । जुम्लाको हकमा फागुन देखि सामुदायिक विद्यालय खुल्ने भएकाले त्यसै अनुसार कार्यालयले खोप कार्यक्रम सञ्चालनका लागि स्थानीय तहका स्वास्थ्य शाखा सँग छलफल भइरहेको छ । कार्यालय प्रमुख सापकोटाले भने, “विद्यालय बाहिर रहेका १० वर्ष देखि १४ वर्ष उमेर समूहका एक हजार पाँच सय ८६ जना र विद्यालय भित्रका सात हजार दुई सय ४३ गरी आठ हजार आठ सय २९ जना छात्रालाई उक्त खोप लगाउने तयारी गरिएको छ ।

कार्यालयको तथ्याङ्क अनुसार जिल्लाको चन्दननाथ नगरपालिकाका एक हजार आठ सय ७९ जना, गुठीचौर गाउँपालिकामा पाँच सय २०, हिमामा एक हजार १३ र कनकासुन्दरीमा नौ सय ६७ जनालाई खोप लगाइने छ । त्यस्तै, पातारासी गाउँपालिकामा एक हजार एक सय ५८, सिंजामा नौ सय सात, तातोपानीमा एक हजार एक सय ५३ र तिलामा एक हजार दुई सय ३२ जना छात्रालाई खोप लगाउने योजनाबारे छलफल भइरहेको स्वास्थ्य कार्यालय जुम्लाका प्रमुख सापकोटाको भनाइ छ ।

विद्यालय बाहिर रहेका किशोरीको हकमा जन्मदर्ताका आधारमा उमेर हेरेर खोप लगाइने छ । नेपाल सरकारले विश्व स्वास्थ्य सङ्गठन (डब्लु.एच.ओ.) बाट प्रमाणित उक्त खोप १० वर्ष देखि १४ वर्ष उमेर समूहका किशोरीलाई एच.पि.भी.को सङ्क्रमण बाट सुरक्षित हुन अभियान सञ्चालन गर्न लागिएको जनस्वास्थ्य सेवा कार्यालय जुम्लाले जनाएको छ ।

सम्बन्धित खबर

लोकप्रिय गायिका मेलिना राई वैवाहिक बन्धनमा बाँधिदै

लोकप्रिय गायिका मेलिना राई वैवाहिक बन्धनमा बाँधिदै

लोकप्रिय गायिका मेलिना राई वैवाहिक बन्धनमा बाँधिन लागेकी छन् । उनले ध्रुव गुरुङसँग लगनगाँठो कस्न लागेकी हुन् । पारिवारिक स्रोतका अनुसार…
संखुवासभाको बाह्रबिसेमा आगलागी : ५ घर जलेर नष्ट

संखुवासभाको बाह्रबिसेमा आगलागी : ५ घर जलेर नष्ट

संखुवासभाको सभापोखरी गाउँपालिका ६ बाह्रबिसे बजारमा आगलागी हुँदा ५ वटा घर जलेर नष्ट भएको छ । आगलागीबाट रामबहादुर राई, अमृता राई,…
हुम्लामा बिहानैबाट हिमपात, फेरी चिसो बढ्यो

हुम्लामा बिहानैबाट हिमपात, फेरी चिसो बढ्यो

हिमाली जिल्ला हुम्लामा बिहीबार बिहानबाट हिमपात भएको छ । बुधबार बेलुकाबाट हावाहुरी चलेको र रातभर मौसम बदली रहेको बेला हिमपात सुरु…

Leave a Reply

Your email address will not be published. Required fields are marked *