महोत्तरीमा लुटेराद्धारा लुटपाटसहित घर धनीको हत्या

महोत्तरीको मनरा सिसवा नगरपालिकामा डाँका समूहले लुटपाटसहित घर धनीको हत्या गरेका छन ।

आज बिहान करिब ३/४ बजेतिर आएको डाँकाको समूहले मनरा सिसवा-४ साँढाका ७० वर्षीय सुशील झाको घरमा लुटपाट गर्दै उनको हत्या गरेको महोत्तरी प्रहरीले जनाएको छ ।

महोत्तरीका प्रहरी प्रवक्ता प्रहरी नायव उपरीक्षक सन्तुलाल प्रसाद जैसवारले डाँकाको तीन/चार जनाको समूहले झाको घरबाट औँठी, मंगलसुत्रलगायतका सामान लुटेरसमेत लगेको बताए ।

डाँकाहरुले लुटपाट गर्दा प्रतिरोध गर्दा कुटपिटबाट झाको मृत्यु भएको उनले बताए । उनले यस सम्बन्धमा थप विवरण आउन बाँकी रहेको बताए ।