दैलेखमा ट्रकको ठक्करबाट एक महिलाको मृत्यु

दैलेखमा ट्रकको ठक्करबाट एक महिलाको मृत्यु भएको छ । सुर्खेतबाट दैलेख आउँदै गरेको लु २ ख ४००८ नम्बरको ट्रकले ठक्कर दिँदा पैदल यात्रु नौमूले गाउँपालिका-५ सालकोटकी ४६ वर्षीया अमृता विकको घटना स्थलमा मृत्यु थियो । पैदल हिँडेर दैलेख अस्पताल जाँदै गरेकी विकलाई विपरीत दिसाबाट आइरहेको उक्त ट्रकले ठक्कर दिँदा घटनास्थलमा मृत्यु भएको जिल्ला प्रहरी कार्यालय दैलेखले जानकारी दिएको छ । महिला मधुमेह रोगको जाँच गराउनका लागि अस्पताल जाँदै गर्दा उक्त दुर्घटना भएको हो ।

ठक्कर दिएर भागेका चालकलाई प्रहरीले पक्राउ गरीसकेको छ । ठक्कर दिने ट्रक र अर्घाखाँचीको छत्रदेव गाउँपालिका-३ बलकोटका चालक गणेश दमाईलाई प्रहरीले नियन्त्रणमा लिई घटनाको अनुसन्धान थालिएको प्रहरी कार्यालय दैलेखले जानकारी दिएको छ । उक्त घटना मंसिर २४ गते बिहान भएको तर पिडीत पक्षले न्याय नपाएको भन्दैै आ  न्दोलन गरेका छन् । आन्दोलनमा दैलेख सुर्खेत चल्ने यातायात ठप्प पारीएको छ । “पिडीत पक्षले उचित न्याय, क्षतिपुर्ती पाउनुपर्ने र दोषीलाई कडा कारबाही हुनुपर्ने माग गरेका छन् ।