दैलेखमा चट्याङ पर्दा चार जना घाइते

दैलेखमा चट्याङ पर्दा चार जना घाइते भएका छन् । शनिबार साँझ परेको चट्याङले दैलेख महावु गाउँपालिका-२, पिपलपाटा निवासी ३० वर्षीय डिल बहादुर सुनार, २३ वर्षीय नगेन्द्र सुनार र ९ वर्षीय महेश सुनार घाइते भएका छन् । यस्तै भगवतीमाई गाउँपालिका-१, राँकाका २६ वर्षीय रेमश थापा पनि घाइते भएको प्रहरीले जनाएको छ ।

महावुका घाइते ३ जनामध्ये २ जनाको अवस्था सामान्य रहेको छ भने बढी असक्त भएका नगेन्द्र सुनारको मुटुको चाल असामान्य रहेकोले दैलेखमा उपचार सम्भव नभएपछि प्रदेश अस्पताल सुर्खेतमा रिफर गरीएको जिल्ला प्रहरी कार्यालय दैलेखले जानकारी दिएको छ ।